سه‌ره‌تا

میوانی به‌ڕێز به‌خێر بێیت بۆ سایته‌ خنجیلانه‌كه‌م، ان شاء الله سوودی لێ ده‌بینیت و به‌دڵت ده‌بێت ئه‌م كارو هه‌وڵه‌ی ئه‌نجامم داوه‌ له‌پێكه‌وه‌نانی ئه‌م سایته‌ به‌تایبه‌ت گه‌ر یه‌كێك بیت له‌وانه‌ی ئاره‌زووی ماسی ڕاگرتن و به‌خێوكردنت هه‌یه‌.. ان شاء الله لێره‌دا هه‌موو زانیارییه‌كی به‌سوود وه‌رده‌گریت و زیاتر شاره‌زاییت زیاد ده‌كه‌یت له‌ بوواری به‌خێوكردنی ماسی جوانیی.

وه‌ ئه‌و هۆیه‌ی پاڵی پێوه‌ ناوم بۆ دروست كردنی ئه‌م سایته‌ ئه‌وه‌یه‌ كه‌ سایته‌ كوردیه‌كان تاكو ئیستا به‌داخه‌وه‌ گرنگییان نه‌داوه‌ به‌م به‌شه‌ و هیچ زانیارییه‌ك نابینین به‌زمانی شیرینی كوردی له‌سه‌ر چۆنێتی به‌خێوكردنی ماسی بۆ جوانی.

بۆیه‌ ئه‌م هه‌وڵه‌ بچووكه‌شم دا تاكو ئه‌م بۆشاییه‌ پڕ بكه‌مه‌وه‌و سوودێك بگه‌یه‌نم به‌ ملله‌تی خۆم له‌م بوواره‌دا.. وه‌ پاش پشت به‌ستن به‌ خوای گه‌وره‌ هه‌ستام به‌كردنه‌وه‌ی سایته‌كه‌م، هه‌رچه‌نده‌ له‌سه‌ر ماڵپه‌ڕی خۆڕایی كردۆمه‌ته‌وه‌ به‌ڵام دڵنیام سوودی به‌رچاوی ده‌بێت بۆ ئه‌وانه‌ی ماسی ڕاده‌گرن..

له‌كۆتاییدا سوپاسی هه‌موو ئه‌و كه‌سانه‌ ده‌كه‌م كه‌ هانیان داووم بۆ كردنه‌وه‌ی سایته‌كه‌ له‌ براده‌ر و ئازیزانم.. وه‌ له‌ دووعای خێر بێ به‌شم نه‌كه‌ن..

براتان محمد داوودی